It-Tnejn 29 ta’ Dicembru 2025    Eskursjoni optional – Shopping Day f'AFI COTROCENI 

L-AFI COTROCENI SHOPPING CENTRE,  huwa wieħed mill-akbar shopping centres li hemm f’Bucharest fejn wieħed, tista tgħid, jista’ jsib minn kollox.  AFI Cotroceni hija shopping mall f’Bucharest, Romania. Tinstab fil-parti tal-punent tal-belt, bejn iċ-ċentru tal-belt u tnejn mill-akbar distretti residenzjali, Militari and Drumul Taberei. B’madwar 90,000 metru kwarati ta’ żona gross li tista’ tinkera, AFI Cotroceni hija l-ikbar ċentru kummerċjali tar-Rumanija. Wikipedia​

​

It-Tlieta 30 ta Diċembru 2025.    Eskursjoni optional - Primaverii Palace– Id-Dar ta’ Ceaucescu 
Wara li kien magħluq għal aktar minn 27 sena wara r-Rivoluzzjoni tal-1989 bejn 1,142 persuna kienu maqtula u 3,138 oħra kienu feruti, ikollna l-opportunità li nżuru d-dar tal-aħħar dittatur Rumen. Hemmhekk inkunu nistgħu naraw il-kmamar lussużi, kmamar tal-banju b’deheb banjat kif ukoll ħwejjeġ personali ta’ Nicolae Ceausescu u ta’ martu Elena kollha preservati tajjeb ġewwa villa li tiswa aktar minn 25 miljun ewro. Jekk ma tridux titilfu s-sensazzjoni ta’ dik l-era tonqsux li żżuruh. 

Wara il-Palazz inzuru Villagg Antik Tradizzjonali Rumen

​

Eskursjoni optional – Eskursjoni optional - THERME Esperjenza ta' darba 
2.30pm Kemm jekk tasal fil-kapitali tar-Rumanija għal xogħol jew biex iżżur is-sabiħa Bucharest żgur li m’għandekx titlef ġurnata ta’ rilassament totali. U fejn jekk mhux fl-ikbar spa ġewwa l-Ewropa, Therme? Hawnhekk tista’ tqatta ġurnata sħiħa mal-maħbubin tiegħek fejn għandek firxa wiesgħa ta’ attivitajiet kemm għal kbar kif ukoll għaż-żgħar. Therme jipprovdi żona sħiħa ta’ pjaċir b’ħames kilometri ta’ slides, video games, librerija, pixxini u saunas kif ukoll żewġ żoni oħra għal kbar biss fejn wieħed jista jirrilassa għal ġurnata sħiħa kemm fil-pixxini b’ilma benefiċċjali għall-ġilda jew f’bars fil-
pixxina, massage jew saunas li hemm f’numru kbir. Fit-tlett żoni tista’ssib ristoranti fejn tiekol. Kull ma jonqos huwa li tippjana u tieħu vantaġġ mill-akbar ċentru fl-Ewropa ta’ rilassament u ta’ saħħa. (il-biljett tad-dħul mhux inkluż fil-prezz ta’ l-eskursjoni).

​

L-Erbgħa 31 ta’ Diċembru 2025. Eskursjoni optional – Sinaia - Gmiel in-Natura: 
Wara l-kolazzjon illum immorru nżuru l-Muntanji Carpathian. Inżuru l-Palazz Peles li hu palazz medjevali meraviljuż mibni f’nofs ambjent idilliku, u l-monasteru famuż ta’ Sinaia li fih jghixu tlettax-il Patri Nisrani Ortodossi. Ikollna ħin biex wieħed ikun jista’ jixtri xi souvenirs. Inżuru wkoll iċ-ċentru tal-hekk imsejħa Pearl of the Carpathians fejn ingawdu veduti mill-isbaħ tal-muntanji. Min irid (optional) ikun jista’ jieħu l-cable car u jitla’ f’altitudni ta’ 2000 metru u jgawdi xeni tassew spettakolari. (Il-cable car extra u jiswa madwar 10 ewro kull persuna). Gwida tal-lokal u entraturi inklużi fil-prezz.
Ġurnata.  
 
Filghaxija l-ikla ta’ l-aħħar tas-sena ser issir

il-Lukanda 5 Star SHERATON...

Eesperjenza unika 
It-Trasport lejn is-Sheraton huwa inkluż  
Prezz:  230 euro  kull persuna.

​

Il-Hamis 1 ta’ Jannar 2026 
Is-sena t-Tajba lil-Kulħadd.

​

Il-Ġimgħa 2 ta’ Jannar 2026  
Illum ġurnata libera u wieħed jista’ jirrilassa xi ftit u jeħodha easy.  L-aħħar jum tagħna f’Bucharest – Filgħodu (ħin jingħata aktar tard) Irridu noħorġu mill-kmamar qabel u il-bagalji niddepożitawhom f’kamra apposta fil-lukanda. Il-kumplament tal-ħin huwa liberu.  
Fl-4.30pm inħallu l-lukanda għall-Ajruport ta’ Bucharest fejn nagħmlu ċ-check-in ghat-titjira bit-Tarom Air li tħalli  Otopeni fit-8.00pm fejn inkunu mistennija naslu Malta fis-9.30pm.