COSTA BRAVA U LOURDES

3-12 Settembru 2025

 

INŻURU Lourdes, Gavarnie, Col d’Ibardin, St Jean d’Luz,

Pont d’Espagne, Andorra, Lloret de Mar, Barcellona,

Tossa de Mar u Montserrat

 

IT-TLIETA 2 TA’ SETT  L-ERBGĦA 3 TA’ SETT

WASLA U LOURDES

Il-grupp jiltaqa’ l-ajruport fid-9.30pm (It-Tlieta filgħaxija)

u b’titjira diretta mar-Ryanair, fil-11.55pm nitilqu għal

Lourdes. Fit-2.20am (Sbiħ L-Erbgħa) naslu Lourdes u

nirkbu l-coach li teħodna għall-Lukanda Gloria fejn

ikollna s-sistemazzjoni tal-kmamar u nistrieħu għal-lejl.

Filgħodu wara l-kolazzjon ikollna quddiesa u wara

nagħmlu l-ewwel żjara fil-Grotta u t-Tliet Bażiliki.

Pranzu fil-lukanda u wara mmorru naraw video dwar

il-Messaġġ ta’ Lourdes.  Filgħaxija niċċennaw fil-lukanda.

 

IL-ĦAMIS 4 TA’ SETTEMBRU | LOURDES

Kolazzjon u nibdew il-mawra tagħna f’Lourdes bil-Quddiesa. Wara l-pranzu nibdew il-mawra tagħna f’Lourdes bi żjara fil-Grotta ta’ Massabielle, fejn il-Madonna dehret lil Santa Bernadette Soubirous. Inkomplu bil-programm billi naraw u fejn ikun possibbli nżuru diversi postijiet ta’ interess konnessi ma’ Santa Bernadette, fosthom il-Mitħna Boly (fejn twieldet u għexet sakemm kellha 10 snin), il-Cachot (kamra f’ħabs abbandunat fejn għexet, flimkien mal-familja, matul id-dehriet) u l-Knisja Parrokkjali li hija ddedikata lill-Qalb Imqaddsa ta’ Ġesu (fejn tgħammdet). Ċena fil-lukanda u wara fid-9.00pm nieħdu sehem, bhala grupp, fil-Purcissjoni Aux Flambeaux li tibda mill-Grotta u tintemm fil-pjazza ta’ quddiem il-Bażilika tar-Rużarju. F’din il-purċissjoni l-pellegrini jimxu wara l-istatwa tal-Madonna b’xemgħa mixgħula f’idejhom u jingħad ir-rużarju.

 

IL-GIMGĦA 5 TA’ SETTEMBRU | GAVARNIE

Wara l-kolazzjon niċċelebraw l-Ewkaristija f’waħda mid-diversi knejjes/ kappelli li jinsabu

viċin il-Grotta. Ma’ tmiem il-Quddiesa, il-grupp jieħu ritratt ta’ tifkira quddiem il-Bażiliki.

Inkomplu bil-programm billi nagħmlu l-mixja tal-Via Sagra fuq l-Għolja de l’Espeluges.

Pranzu u wara optional excursion għal Gavarnie. Eskurzjoni verament sabiħa li matulha

naraw ħafna veduti meraviljużi. Gavarnie huwa raħal qalb il-muntanji, 1357 metru ’l fuq mill-

baħar. Nagħmlu waqfa fuq Pont du Napoleon fejn ingawdu veduta millaqwa. Hekk kif naslu

Gavarnie nistgħu nagħmlu mixja qalb xenarju mill-isbaħ jew min irid jista’ anke jieħu rikba fuq

xi żiemel. Ċena fil-lukanda.

 

IS-SIBT 6 TA’ SETTEMBRU | COL D’IBARDIN U ST JEAN DE LUZ

Kolazzjon u wara eskursjoni optional ta’ ġurnata għal Col d’Ibardin u St Jean de Luz. Minn

Col d’Ibaldin naraw veduti mill-isbaħ u anke nkunu nistgħu nagħmlu xi xiri. Wara mmorru St

Jean de Luz, belt kosmopolitana u medjevali b’influwenza Spanjola. Inżuru ċ-ċentru storiku u

l-bajja kbira tal-post. Ikollna ħin liberu li matulu nkunu nistgħu nkomplu ngawdu ċ-ċentru tal-

belt, fejn insibu l-aqwa restoranti li jservu ikel bnin tal-baħar, u x-xtajta meraviljuża tal-post.

(Nota: Illum ma jkollniex pranzu jew packed lunch).

 

IL-ĦADD 7 TA’ SETTEMBRU | PONT D’ESPAGNE

Kolazzjon u wara fid-9.30am nieħdu sehem fil-Quddiesa Internazzjonali li ssir fil-Bażilika l-

Kbira ta’ taħt l-art iddedikata lil San Piju X. Esperjenza unika u xeni mpressjonanti ta’

devozzjoni. Wara l-pranzu jkollna optional excursion għal Pont d’Espagne li jifforma parti

mill-Park Nazzjonali tal-Pyrenees. Eskurzjoni fuq il-muntanji fejn nitpaxxew b’xenarju mill-

isbaħ u naraw ħafna kaskati meraviljużi bl-ilma nieżel b’veloċità kbira. Dan il-post huwa

popolari ħafna ma’ dawk li jħobbu jmorru mountain climbing. Ċena fil-Lukanda.

 

IT-TNEJN 8 TA’ SETTEMBRU | LLORET DE MAR

Kmieni wara l-kolazzjon naqbdu t-triq lejn Lloret de Mar - Costa Brava. Matul il-vjaġġ tagħna

nagħmlu waqfa ġewwa Andorra li huwa stat indipendenti u fejn nistgħu nixtru affarijiet duty

free. Naslu fil-Lukanda Garbi Park jew simili, filgħaxija. Sistemazzjoni tal-kmamar u wara ċ-ċena.

​

IT-TLIETA 9 TA’ SETTEMBRU | BARCELLONA

Malli nlestu l-kolazzjon, eskursjoni optional ta’ jum li teħodna fil-kapitali ta’ dan ir-reġjun,

Barċelona. Inżuru fost oħrajn Catalunya Square, Ramblas, Sagrada Famiglia u Mont Juic

minn fejn wieħed jista’ jgawdi veduta panoramika ta’ Barcelona. Wara nofsinhar ħin liberu

ghal personal sightseeing. Nissuġġerixxu żżuru l-famuż Aquarium (dħul extra) li qiegħed

viċin il-Monument ta’ Cristoforo Colombo. Nirritornaw lura l-lukanda għaċ-ċena.

 

L-ERBGĦA 10 TA’ SETTEMBRU | TOSSA DE MAR U MATARO

Wara l-kolazzjon, ikollna eskursjoni optional li tehodna biex inzuru Tossa de Mar, belt

magħrufa għall-bajjiet sbieħ tagħha, it-torrijiet u t-toroq helwin tal-Belt il-qadima storika. Wara

nofsinhar inżuru l-kumpless tax-Xiri ta’ Mataro, fejn insibu ‘l fuq minn 80 ħanut u ristorant.

 

IL-ĦAMIS 11 TA’ SETTEMBRU | MONTSERRAT

Wara l-kolazzjon ikollna eskursjoni optional għal Montserrat. Montserrat qiegħed f’għoli ta’

1236 metru ‘il fuq mill-wied u hemmhekk inżuru l-Bażilika majestuża tal-Benedittini li hija

ddedikata lil “La Moreneta” (Il-Verġni s-Sewda) Padruna tal-Katalonja. Xenarju spettakolari

kemm aħna u telgħin kif ukoll meta nkunu hemm fuq. Wara nofsinhar nirritornaw Lloret de

Mar u ikollna ħin liberu li matulu, flimkien mat-tour leader, inkunu nistgħu niskopru aktar dwar

dan il-post tant sabiħ. Nirritornaw lura l-lukanda għaċ-ċena.

 

IL-GIMGĦA 12 TA’ SETTEMBRU | TLUQ

Ilum ikolna kolazzjon ippakjat. Nitilqu mill-lukanda għall-ajruport ta’ Barcelona ghat-titjira mal-

Ryanair li titlaq fid-9.15am u naslu Malta fis-11.30am.

 

PREZZ KULL PERSUNA                                   *Prezz Specjali

Adult f’kamra doppja  

Adult f’kamra trippla               

Adult f’kamra singola              

Tfal f’kamra ma’ żewġ adulti   

 

ESKURSJONIJIET                            ADULTI TFAL

Gavarnie                                              

Col d’Ibardin/St Jean d’Luz                 

Pont d’Espagne                                    

Barcelona City Tour                           

Tossa De Mar/Mataro                          

Monteserrat (entratura inkluża)           

 

PREZZ JINKLUDI

Titjira mal-KM Malta Airlines Malta/Lourdes inkluż 20kg checked-in luggage

Titjira mar-Ryanair Barcelona/Malta inkluż 20kg checked-in luggage

5 iljieli fil-lukanda 3-star Hotel Gloria f’Lourdes (jew simili)

4 iljieli fil-lukanda 4-star Garbi Park f’Lloret de Mar (jew simili)Trasferimenti ajruport/lukanda/ajruport

Trasferiment Lourdes/Lloret de Mar, b’waqfa f’Andorra

Lourdes: 6 kolazzjonijiet/4 pranzi/5 ċeni

Lloret de Mar: 5 kolazzjonijiet/4 ċeni

Servizz ta’ tour leader u Direttur spiritwali

It-taxxi tal-ajruporti u s-Service charge

Insolvency fund

 

MHUX INKLUŻ FIL-PREZZ

City Tax (jitħallsu direttament fil-Lukandi)

Santwarju ta’ Lourdes: Donazzjoni ta’ €10 kull persuna. Din tinġabar mit-Tour Leader f’Lourdes